- السبت، ٤ أبريل ٢٠٢٦
- إتصل بنا
مصر مركز لوجيستي عالمي كتب / د.نادر علي لطفي مصر بالفعل تنفذ خططها الطموحه بتحولها لمركز لوجيستي عالمي... واليوم سأتناول محطة حاويات تحيا مصر 1 بميناء دمياط. "علي غرار محطة تحيا مصر 1 بميناء الإسكندرية" والتي تم افتتاحها من شهور... أعمال البنية التحتية تقريباً إنتهت بمحطة حاويات تحيا مصر بدمياط حيث تبلغ "أرصفه بأطوال 1970 م وغاطس بأعماق 18م وساحه تخزينية 922 الف م ٢ وتتبقي البنية الفوقية الجاري تجهيزها وتنفيذها. والإفتتاح الرسمي يونيو 2025 الخطه الكبري والتي ستحول مصر بالفعل لمركز لوجيستي كبير تشمل تطوير الموانئ القائمه وإضافة موانئ جديدة بميزات تنافسية فارقة "وعلشان أكون أكثر دقه - مفيش منافسه أصلاً مع موانئ البحر المتوسط - فالموانئ المصرية هي اللي هتنافس نفسها من أول ميناء العريش العملاق "تحت التنفيذ" إنتهاءا بميناء جرجوب علي المتوسط بمرورا بموانئ غرب وشرق بورسعيد ودمياط والإسكندرية والدخيله وابوقير "تحت التنفيذ"، غير موانئ البحر الأحمر... محطة حاويات تحيا مصر 1 بميناء دمياط "اللوجستية" يعني إيه لوجستيات أساساً "مجموعة الخدمات" هي فن وعلم إدارة تدفق البضائع والطاقة والمعلومات (والإمداد والتموين) والموارد الأخرى كالمنتجات والخدمات والمواد الغذائية والألبسة والمواد الطبية من منطقة الإنتاج إلى منطقة الاستهلاك. يعني إنت كمصر بتقدم خدمة تحتاجها التجارة الدولية - مستفيداً أو مكتشفاً لموقعك الذي لا ينافسك به أحد. ومحطة الحاويات اللوجستية إحدي تلك الخدمات وعلشان تعملها لازم الاول تعمل البنيه التحتية "أرصفه طويله وأعماق في المياه عميقه علشان تستقطب السفن الكبيرة ومخازن، وتمديدات كهربائية وإتصالات "ماهي المخازن دي بتبقي إلكترونية وكمان فيه جزء مبرد.... ومصر بتعمم ده في كل موانئها. وبعد ما تعمل البنية التحتية لابد من البنية الفوقية "اجهزة ومعدات وأوناش وترقيم وربط وانترنت، والفيشه بقي علشان تشغل الكهرباء - والكهربه دي غير القطار الكهربائي اللي هيربط الأسلاك كلها في بعضها اقصد الموانئ "علشان المكنه تدرو بقي صح .... وبرده مصر بتعمل ده في كل موانئها. ايوه يعني محطة الحاويات دي هتعمل إيه ؟ إنت بتزيد من تنافسيتك وجذبك لخطوط الشحن إللي بتنقل تجارة العالم - وبتقولهم تعالوا دا انا عملكوا محطة تستقبل أضخم سفن الحاويات وممكن عدة سفن مع بعض - وعامل لكم مخازن للحاويات مجهزة زي ما بيقول الكتاب "نزل وشيل براحتك - هات البضاعه إللي جايه من الصين في سفن حاويات ضخمه ونزلها هنا - ووزعها بسفن صغيرها اللي رايح اليونان أو تركيا او إسرائيل أو ليبيا أو أوروبا أو اللي نازل مصر نفسها"، بتخدم تجارة الترانزيت - أو العكس اللي جاي من أوروبا ورايح للشرق الأوسط وإفريقيا (وإرجع يا ديني هات غيرهم)،... "محطة حاويات تحيا مصر 1 دمياط هتبقي شغاله اكتر مع أوروبا".. وبعدها فيه تحيا مصر 2 في ميناء دمياط برده... من الاخر ميناء دمياط هيبقي اكبر ميناء ترانزيت في المنطقة وبوابة اوروبا يعني إنا كمصر هعمل ده - توفيراً للوقت والطاقة،.. ولما أوفر لهم وقت وطاقة - هستفيد إيه !؟ هي قناة السويس بتستفيد إيه لما توفر وقت وطاقة للسفن المارة بها !؟ يعني هتستفيد إيجار وأرضيات وتشغيل ايدي عامله. محطة حاويات تحيا مصر 1 بميناء دمياط - جزء أو حلقه من مجموعة حلقات مصر بتعملها علشان تربط العالم كله بها. أخيرا مشغل المحطة - تحالف أوربي بنظام حق الإنتفاع - يعني بنعطي العيش لخبازة... ونتعلم منه مش عيب ولا حرام.
التعليقات الأخيرة